ພິທີຮັບມະຫາຊົນຜູ້ກ້າວໜ້າເຂົ້າເປັນສະມາຊິກພັກສຳຮອງ,ເລື່ອນສະມາຊິກພັກສຳຮອງຂຶ້ນສົມບູນ.

ລາຍລະອຽດ

ສ້າງຂື້ນເມື່ອ ວັນຈັນ, 19 ມີຖຸນາ 2023 03:31

ຂຽນໂດຍ ຄອຂ ຄຳມ່ວນ

ໃນຕອນເຊົ້າວັນທີ່ 14 ມິຖຸນາ 2023 ໜ່ວຍພັກຮາກຖານຄະນະໂຄສະນາອົບຮົມແຂວງ ຈັດພິທີຮັບມະຫາຊົນຜູ້ກ້າວໜ້າເຂົ້າເປັນສະມາຊິກພັກສຳຮອງ ແລະ ເລື່ອນສຳຮອງຂຶ້ນເປັນສະມາຊິກພັກສົມບູນ

ໂດຍການເປັນປະທານຂອງ ສະຫາຍ ສົມພົງ ວັນໄພທອງ ກຳມະການປະຈຳພັກແຂວງ, ເລຂາໜ່ວຍພັກ, ຫົວໜ້າຄະນະໂຄສະນາອົບຮົມແຂວງ, ມີບັນດາສະຫາຍຕາງໜ້າຈາກຄະນະໜ່ວຍພັກອ້ອມຂ້າງ, ຄະນະພັກ, ສະມາຊິກພັກຄະນະໂຄສະນາອົບຮົມແຂວງເຂົ້າຮ່ວມ.

     ສະຫາຍ ແກ້ວລາ ພິມມະສອນ ຫົວໜ້າຂະແໜງພັກ, ຄະນະຈັດຕັ້ງແຂວງ ຜ່ານມະຕິຕົກລົງຂອງຄະນະປະຈຳພັກແຂວງ ວ່າດ້ວຍການອະນຸມັດເລື່ອນສະມາຊິກພັກສຳຮອງເປັນສະມາຊິກພັກສົມບູນຂອງພັກປະຊາຊົນປະຕິວັດລາວ ມີ 2 ສະຫາຍ, ຍິງ 1 ສະຫາຍ ແລະ ມະຕິຕົກລົງຂອງຄະນະປະຈຳພັກແຂວງ ວ່າດ້ວຍການອະນຸມັດຮັບເອົາມະຫາຊົນຜູ້ກ້າວໜ້າເຂົ້າເປັນສະມາຊິກພັກສຳຮອງຂອງພັກປະຊາຊົນປະຕິວັດລາວ ມີ 2 ສະຫາຍ, ຍິງ 2 ສະຫາຍ  ແລະ ມອບມະຕິຕົກລົງໃຫ້ສະຫາຍສະມາຊິກພັກໃໝ່ໂດຍ ສະຫາຍ ບຸນເລິງ ເລີດບຸນຊູ ຮອງເລຂາໜ່ວຍພັກ, ຮອງຫົວໜ້າຄະນະໂຄສະນາອົບຮົມແຂວງ, ໂອກາດດຽວກັນນັ້ນ ສະຫາຍ ສົມພົງ ວັນໄພທອງ ໄດ້ກ່າວຮັບເອົາພ້ອມມີຄຳເຫັນໂອ້ລົມໃນພິທີໃຫ້ບັນດາສະຫາຍສະມາຊິກພັກໃໝ່ຕ້ອງຝຶກຝົນຫຼໍ່ຫຼອມຕົນເອງທາງດ້ານຄຸນທາດການເມືອງ, ຄຸນສົມບັດສິນທຳປະຕິວັດ, ເພື່ອໃຫ້ຕົນເອງກາຍເປັນບຸກຄົນດີເດັ່ນໃນຂະບວນການຮັກຊາດ ແລະ ພັດທະນາ, ກາຍເປັນສະມາຊິກພັກທີ່ກຽມຄວາມພ້ອມຮັບໃຊ້ຊາດ, ຮັບໃຊ້ປະຊາຊົນກໍ່ຄືຮັບໃຊ້ໜ້າທີ່ວຽກງານທີ່ພັກ-ລັດ ແລະ ການຈັດຕັ້ງມອບໝາຍໃຫ້ໄດ້ຮັບດ້ວຍໝາກຜົນສຳເລັດສູງ.

• ຕໍ່ໄປ >