ກອງປະຊຸມໜ່ວຍພັກຮາກຖານຄະນະໂຄສະນາອົບຮົມແຂວງ ສະໄໝທີ XI.

ລາຍລະອຽດ

ສ້າງຂື້ນເມື່ອ ວັນຈັນ, 19 ມີຖຸນາ 2023 03:25

ຂຽນໂດຍ ຄອຂ ຄຳມ່ວນ

ໜ່ວຍພັກຮາກຖານຄະນະໂຄສະນາອົບຮົມແຂວງ ເປີດກອງປະຊຸມກາງສະໄໝທີ XI ໃນວັນທີ 6 ມິຖຸນາ 2023 ທີ່ຫ້ອງປະຊຸມຊັ້ນສອງຫ້ອງວ່າການແຂວງຄຳມ່ວນ

ພາຍໃຕ້ການເປັນປະທານຂອງ ສະຫາຍ ສົມພົງ ວັນໄພທອງ ກຳມະການປະຈຳພັກແຂວງ, ຫົວໜ້າຄະນະໂຄສະນາອົບຮົມແຂວງ, ມີຄະນະຮັບຜິດຊອບກອງປະຊຸມກາງສະໄໝຂັ້ນແຂວງ, ຄະນະພັກ, ສະມາຊິກພັກສົມບູນ ແລະ ສຳຮອງ ຄະນະໂຄສະນາອົບຮົມແຂວງເຂົ້າຮ່ວມ.

     ກອງປະຊຸມດັ່ງກ່າວແມ່ນໄດ້ຮັບຟັງການຜ່ານມາດຖານຂອງພະນັກງານນໍາພາຄຸ້ມຄອງໂດຍຄະນະຮັບຜິດຊອບກອງປະຊຸມກາງສະໄໝຂັ້ນແຂວງ ເພື່ອເປັນບ່ອນອິງໃນການທາບທາມຢັ່ງຫາງສຽງ ແລະ ຜ່ານຮ່າງບົດສະຫຸບຕີລາຄາຈັດຕັ້ງປະຕິບັດມະຕິກອງປະຊຸມໃຫຍ່ຂັ້ນຕົນກາງສະໄໝ, ທິດທາງແຜນການທ້າຍສະໄໝ, ແລະ ມີການປະກອບຄຳເຫັນໃສ່ຮ່າງບົດສະຫຼຸບຕີລາຄາການຈັດຕັ້ງປະຕິບັດມະຕິກອງປະຊຸມ ກາງສະໄໝ ແລະ ຮ່າງບົດສຳຫຼວດການນຳພາລວມຂອງຄະນະໜ່ວຍພັກຄະນະໂຄສະນາອົບຮົມແຂວງ ກາງສະໄໝ, ເຊິ່ງເນື້ອໃນຕົ້ນຕໍຂອງກອງປະຊຸມແມ່ນປະເມີນຜົນການຈັດຕັ້ງປະຕິບັດມະຕິກອງປະຊຸມ, ການຈັດຕັ້ງປະຕິບັດແຜນພັດທະນາ ຍົກລະດັບຂີດຄວາມສາມາດດ້ານວຽກງານໂຄສະນາອົບຮົມໃນໄລຍະກາງສະໄໝຕົ້ນຂອງກອງປະຊຸມໃຫຍ່ຂັ້ນຂອງຕົນ ເພື່ອຊອກໃຫ້ເຫັນຜົນງານດ້ານດີ, ດ້ານຕັ້ງໜ້າ ແລະ ດ້ານຫຍໍ້ທໍ້ ບັນຫາຈຸດອ່ອນຂໍ້ຄົງຄ້າງ ສັງລວມເອົາເປັນບົດຮຽນຖອດຖອນ, ແລ້ວສຶບຕໍ່ວາງໜ້າທີ່ທິດທາງ, ຈຸດສຸມທີ່ຈະຈັດຕັ້ງປະຕິບັດໃນທ້າຍສະໄໝ, ພ້ອມກັນຕີລາຄາຜົນການຊີ້ນຳ-ນຳພາລວມຂອງຄະນະພັກ ແລະ ຄວາມຮັບຜິດຊອບໜ້າທີ່ການເມືອງຂອງ ບຸກຄົນໃນຄະນະພັກ ເພື່ອປັບປຸງແກ້ໄຂໃນຕໍ່ໜ້າ, ບົນພື້ນຖານປະຕິບັດຕາມລະບຽບຂອງພັກ, ເພື່ອເປັນການຍົກສູງບົດບາດການນຳພາ-ຊີ້ນຳຂອງຄະນະແຕ່ລະຂັ້ນໃຫ້ໄດ້ທັງປະລິມານ ແລະ ຄຸນນະພາບ ຊຸກຍູ້ສົ່ງເສີມການຈັດຕັ້ງປະຕິບັດບັນດາມະຕິຂອງພັກ, ແຜນພັດທະນາເສດຖະກິດ-ສັງຄົມຂອງລັດ ໃຫ້ບັດລຸຜົນສຳເລັດຕາມລະດັບຄາດໝາຍທີ່ວາງໄວ້.

• < ຕໍ່ໄປ
• ຕໍ່ໄປ >