ຄະນະໂຄສະນາອົບຮົມເມືອງ ລົງເຄື່ອນໃຫວວຽກງານໂຄສະນາເຄື່ອນທີ່ບ້ານສ້າງແກ້ວ

ລາຍລະອຽດ

ສ້າງຂື້ນເມື່ອ ວັນອັງຄານ, 02 ພຶດສະພາ 2023 08:53

ຂຽນໂດຍ ຄອຂ ຄຳມ່ວນ

     ໃນວັນທີ 28 ເມສາ 2023 ທີ່ບ້ານສ້າງແກ້ວ ເມືອງຍົມມະລາດແຂວງຄຳມ່ວນ ຄະນະໂຄສະນາອົບຮົມເມືອງ ລົງເຄື່ອນໃຫວວຽກງານໂຄສະນາເຄື່ອນທີ່ ເພື່ອສຶກສາອົບຮົມແນວຄິດການເມືອງ ແລະ ເກັບກຳຂໍ້ມູນຫາງສຽງສັງຄົມ.

ໃຫ້ກຽດເປັນປະທານໂດຍທ່ານ ສີຄຳ ແພງພົງພັນ ກຳມະການພັກເມືອງ ຫົວໜ້າຄະນະໂຄສະນາອົບຮົມເມືອງ, ທ່ານ ພັທ ຄຳອອນ ອຸດົມສິງ ຫົວໜ້າກອງບັນຊາການ ປກສ ເມືອງ ມີບັນດາທ່ານເລຂາ - ຮອງເລຂາພັກບ້ານ ແລະ ສະມາຊິກພັກໃນ 5 ບ້ານຄື: ບ້ານສ້າງແກ້ວ, ບ້ານທາດ, ບ້ານເຫຼົ່າ, ບ້ານທ່າໂທດ ແລະ ບ້ານນາລາດຄວາຍເຂົ້າຮ່ວມ.

 ທ່ານ ສີຄຳ ແພງພົງພັນ ກຳມະການພັກເມືອງ ຫົວໜ້າຄະນະໂຄສະນາອົບຮົມເມືອງ ໄດ້ຜ່ານເອກະສານຊາດລາວຄົນລາວເປັນເຈົ້າຂອງ ໃຫ້ບັນດາຜູ້ເຂົ້າຮ່ວມຮັບຟັງເພື່ອເຮັດໃຫ້ການຈັດຕັ້ງບ້ານ, ສະມາຊິກພັກ ແລະ ປະຊາຊົນບັນດາເຜົ່າ ໄດ້ຮັບຮູ້ເຂົ້າໃຈເຖິງການນຳພາຂອງພັກປະຊາຊົນປະຕິວັດລາວ, ສິດເປັນເຈົ້າຂອງປະເທດຊາດ ແລະ ເປັນເຈົ້າຂອງຕົນເອງສ້າງຄວາມເຂັ້ມແຂງດ້ວຍຕົນເອງຂອງປະຊາຊົນບັນດາເຜົ່າເພື່ອພ້ອມກັນປົກປັກຮັກສາ ແລະ ສ້າງສາພັດທະນາປະເທດຊາດໃຫ້ຈະເລີນກ້າວໜ້າ. ກອງປະຊຸມຍັງໄດ້ຮັບຟັງການລາຍງານສະພາບການຂອງບ້ານໃນແຕ່ລະບ້ານເພື່ອພ້ອມກັນແກ້ໄຂບັນຫາທີ່ເກີດຂື້ນ ແລະ ນຳສະເໜີຄະນະພັກຂັ້ນເທິງຄົ້ນຄວ້າແກ້ໄຂຄຳສະເໜີທີ່ຄົງຄ້າງ ທັງນີ້ກໍ່ເພື່ອເຮັດໃຫ້ການນຳພາຂອງການຈັດຕັ້ງບ້ານ ແລະ ຊີວິດການເປັນຢູ່ຂອງພໍ່ແມ່ປະຊາຊົນນັບມື້ນັບດີຂື້ນເລື່ອຍໆ.

• < ຕໍ່ໄປ
• ຕໍ່ໄປ >