• ສະຫຼຸບຈັດຕັ້ງປະຕິບັດວຽກງານຂະບວນກາ
  • ເມືອງຄູນຄຳປະກາດຮັບຮອງເປັນເມືອງປະຕ
  • ການນຳແຂວງຄຳມ່ວນ ຕ້ອນຮັບການມາອວຍພອນ
  • ເມືອງຍົມມະລາດເປີດຂະບວນການແຂ່ງຂັນ 5
  • ພິທີຮັບໃບຢັ້ງຢືນໜ່ວຍພັກປອດໃສເຂັ້ມ
  • ສຳເລັດພິທີຝຶກອົບຮົມບັນຫາພື້ນຖານວຽ
ສະຫຼຸບຈັດຕັ້ງປະຕິບັດວຽກງານຂະບວນການແຂ່ງຂັນ-ຍ້ອງຍໍ ພາຍໃຕ້ຄຳຂວັນ “ຮັກຊາດ ແລະ ພັດທະນາ”.

ສະຫຼຸບຈັດຕັ້ງປະຕິບັດວຽກງານຂະບວນການແຂ່ງຂັນ-ຍ້ອງຍໍ ພາຍໃຕ້ຄຳຂວັນ “ຮັກຊາດ ແລະ ພັດທະນາ”.

     ວັນທີ່ 27 ພຶດສະພາ 2022 ຄະນະໂຄສະນາອົບຮົມແຂວງຄໍາມ່ວນຈັດພິທີສະຫຼຸບກາ...
ເມືອງຄູນຄຳປະກາດຮັບຮອງເປັນເມືອງປະຕິບັດຂະບວນການສ້າງຄອບຄົວ ແລະ ບ້ານສາມັກຄີປອງດອງ.

ເມືອງຄູນຄຳປະກາດຮັບຮອງເປັນເມືອງປະຕິບັດຂະບວນການສ້າງຄອບຄົວ ແລະ ບ້ານສາມັກຄີປອງດອງ.

     ໃນຕອນບ່າຍວັນທີ 26 ພຶດສະພາ  2022 ເມືອງຄູນຄຳ, ແຂວງຄຳມ່ວນຈັດພິທີປະກາ...
ການນຳແຂວງຄຳມ່ວນ ຕ້ອນຮັບການມາອວຍພອນຂອງການນຳແຂວງ ເຫງ່ອານ ສສ ຫວຽດນາມ.

ການນຳແຂວງຄຳມ່ວນ ຕ້ອນຮັບການມາອວຍພອນຂອງການນຳແຂວງ ເຫງ່ອານ ສສ ຫວຽດນາມ.

     ໃນວັນທີ 5-6 ເມສາ 2022 ທ່ານ ສົມພົງ ວັນໄພທອງ ຄະນະກຳມະການປະຈຳພັກແຂວງ, ຫົວ...
ເມືອງຍົມມະລາດເປີດຂະບວນການແຂ່ງຂັນ 5 ເປັນເຈົ້າປະຈຳປີ 2022.

ເມືອງຍົມມະລາດເປີດຂະບວນການແຂ່ງຂັນ 5 ເປັນເຈົ້າປະຈຳປີ 2022.

     ໃນວັນທີ 28 ເມາສາ 2022 ກຳມະບານຮາກຖານຄະນະໂຄສະນາອົບຮົມເມືອງຍົມມະລາດ ໄດ້ເຂ...
ພິທີຮັບໃບຢັ້ງຢືນໜ່ວຍພັກປອດໃສເຂັ້ມແຂງ, ໜັກແໜ້ນ ປະຈຳປີ 2021.

ພິທີຮັບໃບຢັ້ງຢືນໜ່ວຍພັກປອດໃສເຂັ້ມແຂງ, ໜັກແໜ້ນ ປະຈຳປີ 2021.

     ໃນວັນທີ 4 ພຶດສະພາ 2022 ຄະນະໂຄສະນາອົບຮົມແຂວງຈັດພິທີມອບຮັບໃບຢັ້ງຢືນໜ່ວຍພ...
ສຳເລັດພິທີຝຶກອົບຮົມບັນຫາພື້ນຖານວຽກງານສັງລວມ-ຫາງສຽງສັງຄົມປະຈຳປີ 2022.

ສຳເລັດພິທີຝຶກອົບຮົມບັນຫາພື້ນຖານວຽກງານສັງລວມ-ຫາງສຽງສັງຄົມປະຈຳປີ 2022.

     ໃນວັນທີ 16 ມີນາ 2022 ຄະນະໂຄສະນາອົບຮົມແຂວງສຳເລັດການເປີດຝຶກອົບຮົມບັ...
Previous
Next

ເມືອງບົວລະພາສະຫຼຸບວຽກງານກໍ່ສ້າງຮາກຖານການເມືອງ, ວຽກງານພັດທະນາຊົນນະບົດແກ້ໄຂຄວາມທຸກຍາກ ແລະ ວຽກງານ 3 ສ້າງ.

    ໃນວັນທີ 17 ພຶດສະພາ 2022 ທີ່ສະໂມສອນເມືອງບົວລະພາ ທ່ານ ສົມພົງ ວັນໄພທອງ ຄະນະກຳມະການປະຈຳພັກແຂວງ, ຫົວໜ້າຄະນະໂຄສະນາອົບຮົມແຂວງ, ເຂົ້າຮ່ວມກອງປະຊຸມສະຫຼຸບວຽກງານກໍ່ສ້າງຮາກຖານການເມືອງ, ວຽກງານພັດທະນາຊົນນະບົດແກ້ໄຂຄວາມທຸກຍາກ, ວຽກງານ 3 ສ້າງ ໄລຍະ5 ປີ (2016-2020) ແລະ ທິດທາງແຜນການ 5 ປີ (2021-2025),

ໂດຍການເປັນປະທານຂອງທ່ານ ບຸນກວ້າງ ແກ້ວບຸນຍົງ, ກຳມະການພັກແຂວງ, ເລຂາພັກເມືອງ, ເຈົ້າເມືອງໆບົວລະພາ, ມີບັນດາທ່ານຄະນະກຳມະການປະຈຳພັກເມືອງ, ຄະນະກຳມະການພັກເມືອງ, ຕາງໜ້າຄະນະພະແນກການຂອງແຂວງທີ່ກ່ຽວຂ້ອງ, ຫົວໜ້າ, ຮອງຫົວໜ້າຫ້ອງການ, ຄະນະກອງບັນຊາການ ປກຊ-ປກສ, ເລຂາພັກບ້ານເຂົ້າຮ່ວມທັງໝົດ 95 ທ່ານ, ຍິງ 11 ທ່ານ.

      ໃນກອງປະຊຸມທ່ານ ບຸນກວ້າງ ແກ້ວບຸນຍົງ ກໍາມະການພັກແຂວງ, ເລຂາພັກເມືອງ, ເຈົ້າເມືອງໆບົວລະພາ ໄດ້ຜ່ານບົດສະຫຼຸບຫຍໍ້ການຕີລາຄາຜົນສຳເລັດການຈັດຕັ້ງປະຕິບັດວຽກງານກໍ່ສ້າງຮາກຖານການເມືອງ, ວຽກງານພັດທະນາຊົນນະບົດ, ວຽກງານ 3 ສ້າງໃນໄລຍະຜ່ານມາ ແລະ ທິດທາງແຜນການ 5 ປີໃນຕໍ່ໜ້າ, ເຊິ່ງໃນໄລຍະ 5 ປີຜ່ານມາພາຍໃຕ້ການນຳພາ-ຊີ້ນຳຂອງຄະນະພັກແຕ່ລະຂັ້ນໃນການຈັດຕັ້ງປະຕິບັດວຽກງານກໍໄດ້ຮັບຜົນສຳເລັດໃນຫຼາຍດ້ານເປັນຕົ້ນ: ດ້ານວຽກງານກໍ່ສ້າງຮາກຖານການເມືອງ, ວຽກງານພັດທະນາຊົນນະບົດ-ແກ້ໄຂຄວາມທຸກຍາກ, ວຽກງານ 3 ສ້າງ; ເຊິ່ງໄດ້ຍົກໃຫ້ເຫັນເຖິງດ້ານດີ, ດ້ານອ່ອນ, ຂໍ້ຄົງຄ້າງ, ບົດຮຽນທີ່ຖອດຖອນໄດ້ ແລະ ທິດທາງແຜນການໃນຕໍ່ໜ້າທີ່ໄດ້ກຳນົດຄາດໝາຍສູ້ຊົນໄວ້ໃນແຕ່ລະດ້ານ.

     ພ້ອມກັນນັ້ນກໍໄດ້ມີການປະກອບຄໍາເຫັນຈາກບັນດາພະແນກການ, ຫ້ອງການ ແລະ ບັນດານາຍບ້ານອ້ອມຂ້າງເມືອງເພື່ອແລກປ່ຽນບົດຮຽນສົມທຽບໃສ່ພຶດຕິກຳຕົວຈິງ. ໃນຕອນທ້າຍທ່ານ ສົມພົງ ວັນໄພທອງ ຄະນະກຳມະການປະຈຳພັກແຂວງ, ຫົວໜ້າຄະນະໂຄສະນາອົບຮົມແຂວງ, ກໍໄດ້ມີຄຳເຫັນຕໍ່ກອງປະຊຸມໃຫ້ພ້ອມກັນສືບຕໍ່ຈັດຕັ້ງປະຕິບັດໃຫ້ແຂງແຮງ, ເລິກເຊິ່ງກຳແໜ້ນຕໍ່ເນື້ອໃນວຽກງານກໍ່ສ້າງຮາກຖານການເມືອງຕາມມະຕິ ສະບັບເລກທີ 056/ຄບສພ, ເອົາໃຈໃສ່ເຊື່ອມຊຶມເອກະສານ, ສ້າງຄວາມຮັບຮູ້, ຄວາມເຂົ້າໃຈໃຫ້ພະນັກງານຜູ້ທີ່ລົງເຮັດວຽກງານຕົວຈິງໃຫ້ກຳແໜ້ນ 3 ຂັ້ນຕອນ, 5 ບາດກ້າວຢ່າງລະອຽດ ເພື່ອລົງເຄື່ອນໄຫວຜັນຂະຫຍາຍໃຫ້ແກ່ປະຊາຊົນບັນດາເຜົ່າໄດ້ຮັບຮູ້ເຂົ້າໃຈຢ່າງເລິກເຊິ່ງ ແລະ ທົ່ວເຖິງ, ຄະນະພັກ, ອຳນາດການປົກຄອງທູກຂັ້ນຕ້ອງໄດ້ເອົາໃຈໃສ່ການປັບປຸງລະບົບການເມືອງຢູ່ຂັ້ນຮາກຖານຂອງຕົນ, ສືບຕໍ່ປະຕິບັດແນວທາງວຽກງານ ປ້ອງກັນຊາດ-ປ້ອງກັນຄວາມສະຫງົບ ທົ່ວປວງຊົນຮອບດ້ານຂອງພັກຢ່າງເລິກເຊິ່ງ, ເຂັ້ມແຂງ, ກວ້າງຂວາງ, ທັບມ້າງທຸກກົນອຸບາຍຫັນປ່ຽນໂດຍສັນຕິຂອງສັັດຕູ, ສະກັດກັ້ນ ແລະ ແກ້ໄຂໜໍ່ແໜງທີ່ຈະເກີດຄວາມບໍ່ສະຫງົບ, ເອົາໃຈໃສ່ຄັດເລືອກສະມາຊິກພັກ-ພະນັກງານລົງກໍ່ສ້າງຮາກຖານການເມືອງພັດທະນາຊົນນະບົດຕິດພັນກັບວຽກງານ 3 ສ້າງ ໃຫ້ເໝາະສົມກັບໜ້າທີ່ການເມືອງຂອງພັກ-ລັດ ມອບໝາຍໃຫ້ ເພື່ອສ້າງວຽກງານດັ່ງກ່າວໃຫ້ມີການຫັນປ່ຽນຢ່າງແຂງແຮງ ແລະ ດິຂື້ນເລື້ອຍໆ.