ຫົວໜ້າຄະນະໂຄສະນາອົບຮົມລົງຕິດຕາມການເຜີຍແຜ່ເຊື່ອມຊຶມ ແລະ ຜັນຂະຫຍາຍວາລະແຫ່ງຊາດ.

ສ້າງຂື້ນເມື່ອ ວັນຈັນ, 21 ກຸມພາ 2022 03:16
ຂຽນໂດຍ ຄອຂ ຄຳມ່ວນ

     ວັນທີ 18 ກຸມພາ 2022 ທ່ານ ສົມພົງ ວັນໄພທອງ ຄະນະກຳມະການປະຈຳພັກແຂວງ, ຫົວໜ້າຄະນະໂຄສະນາອົບຮົມແຂວງ, ຜູ້ຊີ້ນຳເມືອງມະຫາໄຊ ລົງຕິດຕາມກອງປະຊຸມເຜີຍແຜ່ເຊື່ອມຊຶມ ແລະ ຜັນຂະຫຍາຍສອງວາລະແຫ່ງຊາດ

ວ່າດ້ວຍການແກ້ໄຂບັນຫາຢາເສບຕິດ ແລະ ແກ້ໄຂຄວາມຫຍຸ້ງຍາກດ້ານເສດຖະກິດ-ການເງີນ. ຢູ່ 3 ຈຸດຄື: ບ້ານປ່າໜາມ, ບ້ານນາສະຖຸງ ແລະ  ບ້ານນາກະທ້າງທົ່ງ, ເມືອງມະຫາໄຊ ແຂວງຄຳມ່ວນ, ມີບັນດາພະນັກງານ, ຄູ-ອາຈານ, ນັກຮຽນ, ນາຍບ້ານ ແລະ ປະຊາຊົນເຂົ້າຮ່ວມລວມທັງ 3 ຈຸດມີ 1,175 ຄົນ, ຍິງ 566 ຄົນ.

     ໃນກອງປະຊຸມດັ່ງກ່າວ ທ່ານສົມພົງ ວັນໄພທອງ ຄະນະປະຈຳພັກແຂວງ ຫົວໜ້າຄະນະໂຄສະນາອົບຮົມແຂວງ ກໍ່ໄດ້ມີຄຳເຫັນໂອ້ລົມຕໍ່ກອງປະຊຸມ ແລະ ຍັງຮຽກຮ້ອງມາຍັງຜູ້ທີເຂົ້າຮ່ວມຕ້ອງເອົາໃຈໃສ່ກຳແໜ້ນເນື້ອໃນສຳຄັນທີ່ເປັນຟື້ນຖານ, ຮັບປະກັນໃຫ້ແກ່ການແກ້ໄຂບັນຫາດັ່ງກ່າວ, ດຳເນີນໄປສອດຄ່ອງຕາມຫຼັກການ, ເດັດຂາດ, ໂປ່ງໃສ, ພ້ອມກັບການປັບປຸງແກ້ໄຂດ້ານຂໍ້ຄົງຄ້າງໃນໄລຍະຜ່ານມາໂດຍສະເພາະກ່ຽວກັບການແກ້ໄຂບັນຫາຢາເສບຕິດ ແລະ ແກ້ໄຂຄວາມຫຍຸ້ງຍາກດ້ານເສດຖະກິດ-ການເງີນໃຫ້ໄດ້ຮັບຜົນຕາມລະດັບຄາດຫມາຍ.