ຄະນະໂຄສະນາຮົມແຂວງສົມທົບກັບຄະນະປະຈຳພັກແຂວງ ແລະ ສະພາປະຊາຊົນແຂວງລົງເຮັດວຽກຢູ່ເມືອງ.

ລາຍລະອຽດ

ສ້າງຂື້ນເມື່ອ ວັນຈັນ, 10 ມັງກອນ 2022 04:12

ຂຽນໂດຍ ຄອຂ ຄຳມ່ວນ

ວັນທີ 31 ສິງຫາ 2021 ຄະນະໂຄສະນາອົບຮົມແຂວງຄຳມ່ວນ ສົມທົບກັບພາກສ່ວນທີ່ກ່ຽວຂ້ອງລົງເຮັດວຽກຢູ່ເມືອງນາກາຍ

ຈຸດປະສົງໃນຄັ້ງນີ້ກໍເພື່ອເກັບກຳຂໍມູນຜົນສຳເລັດການຈັດຕັ້ງຜັນຂະຫຍາຍເຊື່ອມຊຶມມະຕິກອງປະຊຸມໃຫຍ່ຄັ້ງທີ່ XI ຂອງພັກປະຊາຊົນປະຕິວັດລາວ ແລະ ມະຕິກອງປະຊຸມໃຫຍ່ຄັ້ງທີ X ຂອງອົງຄະນະພັກແຂວງຄຳມ່ວນ, ຊຸກຍູ້ການຕ້ານ, ຄວບຄຸມ ແລະ ປ້ອງກັນພະຍາດໂຄວິດ-19 ແລະ ຕິດຕາມການຈັດຕັ້ງປາຖະກະຖາວັນສ້າງຕັ້ງລັດຖະທຳມະນູນ ແຫ່ງຊາດ ຄົບຮອບ 30 ປີ, ທີ່ຫ້ອງເຮັດວຽກຂອງທ່ານເຈົ້າເມືອງ ເຊິ່ງເປັນປະທານຂອງທ່ານ ນ ບົວກາ ແກ້ວມະນີ ກຳມະການພັກແຂວງ, ເລຂາພັກເມືອງ, ເຈົ້າເມືອງໆນາກາຍ, ມີທ່ານ ພົ.ວ ສົມແຄນ ອັບປະສອນ ຄະນະກຳມະການປະຈຳພັກແຂວງ, ຫົວໜ້າກອງບັນຊາການ ປກຊ ແຂວງ, ຄະນະປະຈຳພັກເມືອງ, ກຳມະການພັກເມືອງພ້ອມດ້ວຍທີມງານຂອງແຂວງ ເຂົ້າຮ່ວມທັງໝົດ 11 ທ່ານ, ຍິງ 3 ທ່ານ ພ້ອມດຽວກັນນັ້ນກໍໄດ້ມອບເງິນຊຸກຍູ້ວຽກງານຕ້ານ, ຄວບຄຸມປ້ອງກັນພະຍາດໂຄວິດ-19 ໃຫ້ເມືອງຈຳນວນ 10.000.000 ກີບ, ເປັນກຽດມອບໂດຍທ່ານ ພົ.ວ ສົມແຄນ ອັບປະສອນ ຄະນະກຳມະການປະຈຳພັກແຂວງ ຫົວໜ້າກອງບັນຊາການ ປກຊ ແຂວງ ໃຫ້ກຽດຮັບໂດຍ ທ່ານ ນາງ ບົວກາ ແກ້ວມະນີ ກຳມະການພັກແຂວງ, ເລຂາພັກເມືອງ, ເຈົ້າເມືອງໆນາກາຍ, ຫຼັງຈາກນັ້ນກໍໄດ້ລົງຢ້ຽມຢາມສູນກັກກັນຂອງເມືອງເພື່ອຊຸກຍູ້ ແລະ ປຸກລະດົມແນວຄິດແຮງງານລາວທີ່ຖືກກັກກັນພາຍໃນສູນຮັບຮູ້ ແລະ ເຂົ້າໃຈເຖິງຄວາມຮຸນແຮງຂອງພະຍາດໂຄວິດ-19.

• < ຕໍ່ໄປ
• ຕໍ່ໄປ >