ຄະນະໂຄສະນາອົບຮົມແຂວງລົງຕິດຕາມຊຸກຍູ້ເຊື່ອມຊຶມຢູ່ເມືອງຍົມມະລາດ ແລະ ມະຫາໄຊ

ສ້າງຂື້ນເມື່ອ ວັນພຸດ, 23 ມີຖຸນາ 2021 08:00
ຂຽນໂດຍ ຄອຂ ຄຳມ່ວນ

ຄະນະໂຄສະນາອົບຮົມແຂວງລົງຊຸກຍູ້ເຊື່ອມຊຶມເອກະສານສຳຄັນຂອງພັກ.

     ໃນວັນທີ 16 ມີຖຸນາ 2021 ຄະນະໂຄສະນາອົບຮົມແຂວງລົງຕິດຕາມຊຸກຍູ້ເຊື່ອມຊຶມຢູ່ເມືອງຍົມມະລາດ ແລະ ມະຫາໄຊ ນຳໂດຍສະຫາຍ ສົມພົງ ວັນໄພທອງ ກຳມະການປະຈຳພັກແຂວງ, ຫົວໜ້າຄະນະໂຄສະນາອົບຮົມແຂວງ.

     ຈຸດປະສົງໃນການລົງຄັ້ງນີ້ແມ່ນ ເພື່ອໃຫ້ທິດຊີ້ນຳແຜນການຈັດຕັ້ງຜັນຂະຫຍາຍມະຕິກອງປະຊຸມໃຫຍ່ຄັ້ງທີ XI ຂອງພັກປະຊາຊົນ ປະຕິວັດລາວ ແລະ ມະຕິກອງປະຊຸມໃຫຍ່ຄັ້ງທີ X ຂອງອົງຄະນະພັກແຂວງ ແຕ່ຂັ້ນເມືອງຮອດຮາກຖານບ້ານ, ໂດຍຜ່ານມາທັງ 2 ເມືອງແມ່ນໄດ້ຈັດຕັ້ງເຊື່ອມຊຶມສຳເລັດໃຫ້ຄະນະພັກຂັ້ນເມືອງ ແລະ ກຳລັງຈະສຶບຕໍ່ເຜີຍແຜ່ໃຫ້ສະມາຊິກພັກພາຍໃນເມືອງ ແລະຢູ່ຂັ້ນບ້ານໃນໝໍ່ໆນີ້ໂດຍເລັ່ງໃສ່ແຕ່ລະເປົ້າໝາຍເຂົ້າຮ່ວມ, ຊຶ່ງຢູ່ຂັ້ນບ້ານແມ່ນໄດ້ກຳນົດເອົາແຕ່ຜູ້ມີອາຍຸ 18 ປີຂຶ້ນໄປໃຫ້ໄດ້ເຂົ້າຮ່ວມເຊື່ອມຊຶມຢ່າງທົ່ວເຖິງ ແລະ ຮັດແໜ້ນບັນດາເນື້ອໃນເອກະສານເຫັນໄດ້ໝາກຜົນອັນສຳເລັດຕາມຄາດໝາຍທີ່ໄດ້ກຳນົດໄວ້.