ພິທີຮັບມະຫາຊົນຜູ້ກ້າວໜ້າເຂົ້າເປັນສະມາຊິກພັກສຳຮອງ ແລະ ເລື່ອນສະມາຊິກພັກສຳຮອງຂຶ້ນສົມບູນ.

ລາຍລະອຽດ

ສ້າງຂື້ນເມື່ອ ວັນອັງຄານ, 25 ພຶດສະພາ 2021 08:41

ຂຽນໂດຍ ຄອຂ ຄຳມ່ວນ

ພິທີຮັບມະຫາຊົນຜູ້ກ້າວໜ້າເຂົ້າເປັນສະມາຊິກພັກສຳຮອງ ແລະ ເລື່ອນສະມາຊິກພັກສຳຮອງຂຶ້ນສົມບູນ.

     ໃນວັນທີ່ 25 ພຶດສະພາ 2021 ໜ່ວຍພັກຄະນະໂຄສະນາອົບຮົມແຂວງຈັດພິທີຮັບມະຫາຊົນຜູ້ກ້າວໜ້າເຂົ້າເປັນສະມາຊິກພັກສຳຮອງ ແລະ ເລື່ອນສຳຮອງຂຶ້ນເປັນສະມາຊິກພັກສົມບູນໂດຍການເປັນປະທານຂອງ ສະຫາຍ ສົມພົງ ວັນໄພທອງ ກຳມະການປະຈຳພັກແຂວງ, ເລຂາໜ່ວຍພັກ, ຫົວໜ້າຄະນະໂຄສະນາອົບຮົມແຂວງ,

ມີບັນດາສະຫາຍຕາງໜ້າຈາກຄະນະໜ່ວຍພັກອ້ອມຂ້າງເຂົ້າຮ່ວມ. ຈຸດປະສົງໃນການເປີດພິທີຄັ້ງນີ້ກໍ່ເພື່ອຮັບເອົາມະຫາຊົນຜູ້ກ້າວໜ້າເຂົ້າເປັນສະມາຊິກພັກສຳຮອງ ຂອງພັກປະຊາຊົນປະຕິວັດລາວ ແລະ ເລື່ອນສະມາຊິກພັກສຳຮອງຂຶ້ນເປັນສະມາຊິກພັກສົມບູນ. ໃນຕອນທ້າຍ ສະຫາຍ ສົມພົງ ວັນໄພທອງ ໄດ້ມີຄຳເຫັນໂອ້ລົມໃນພິທີ ໃຫ້​ບັນດາ​ສະຫາຍ​ສະມາຊິກພັກໃໝ່ຕ້ອງຝຶກ​ຝົນ​ຫຼໍ່​ຫຼອມຕົນເອງທາງດ້ານຄຸນທາດການເມືອງ, ຄຸນສົມບັດສິນທຳປະຕິວັດ, ເພື່ອໃຫ້​ຕົນ​ເອງກາຍ​ເປັນ​ບຸກຄົນ​ດີ​ເດັ່ນ​ໃນ​ຂະ​ບວນການ​ຮັກ​ຊາດ​ ແລະ ພັດທະນາ, ກາຍເປັນສະມາຊິກພັກທີ່ກຽມຄວາມພ້ອມຮັບໃຊ້ຊາດ, ຮັບ​ໃຊ້​ປະຊາຊົນ​ກໍ່​ຄື​ຮັບ​ໃຊ້ໜ້າ​ທີ່​ວຽກ​ງານ​ທີ່​ພັກ-ລັດ ​ແລະ ການຈັດ​ຕັ້ງ​ມອບໝາຍ​​ໃຫ້​ໄດ້ຮັບດ້ວຍໝາກຜົນສຳ​ເລັດ​ສູງ.

• < ຕໍ່ໄປ
• ຕໍ່ໄປ >