ພິທີເປີດຂະບວນການແຂ່ງຂັນ 5 ເປັນເຈົ້າປະຈຳປີ 2021

ລາຍລະອຽດ

ສ້າງຂື້ນເມື່ອ ວັນຈັນ, 19 ເມສາ 2021 07:18

ຂຽນໂດຍ ຄອຂ ຄຳມ່ວນ

ພິທີເປີດຂະບວນການແຂ່ງຂັນ 5 ເປັນເຈົ້າປະຈຳປີ 2021.

     ໃນຕອນແລງຂອງວັນທີ 8 ເມສາ 2021 ກຳມະບານຮາກຖານຄະນະໂຄສະນາອົບຮົມແຂວງຄຳມ່ວນເປີດຂະບວນການແຂ່ງຂັນ 5 ເປັນເຈົ້າປະຈຳປີ 2021 ໂດຍການເປັນປະທານຂອງທ່ານ ອຸດອນ ສຸດທິລາດ ຮອງຫົວໜ້າຄະນະໂຄສະນາອົບຮົມແຂວງ ປະທານກຳມະບານຮາກຖານຄະນະໂຄສະນາອົບຮົມແຂວງ

ໃຫ້ກຽດເຂົ້າຮ່ວມຂອງທ່ານ ບຸນເລິງ ເລີດບຸນຊູ ຮອງຫົວໜ້າຄະນະໂຄສະນາອົບຮົມແຂວງ ຜູ້ຊີ້ນຳອົົງການຈັດຕັ້ງມະຫາຊົນ ແລະ ທ່ານ ນາງ ວຽງໄຊ ຍົດຕິແພງ ຮອງປະທານຄະນະບໍລິຫານງານກຳມະບານແຂວງ ມີບັນດາທ່ານຕາງໜ້າຈາກພະແນກການອ້ອມຂ້າງຕະຫຼອດຮອດສະມາຊິກກຳມະບານພາຍໃນໜ່ວຍເຂົ້າຮ່ວມຢ່າງພ້ອມພຽງ.

     ຈຸດປະສົງເພື່ອເຮັດໃຫ້ສະມາຊິກກຳມະບານພາຍໃນໜ່ວຍເຂົ້າຮ່ວມຂະບວນການຂອງອົງການຈັດຕັ້ງພັກ-ລັດ ກໍ່ຄືອົງການຈັດຕັ້ງກຳມະບານເພື່ອພ້ອມກັນພັດທະນາວຽກງານກຳມະບານໃຫ້ມີຄວາມເຕີບໃຫຍ່ເຂັ້ມແຂງ ກຳໄດ້ບັນດາເນື້ອໃນຂໍ້ແຂ່ງຂັນ 5 ເປັນເຈົ້າເປັນບ່ອນອິງໃຫ້ກົມກອງ ແລະ ສະມາຊິກກຳມະບານທີ່ມີຜົນງານດີເດັ່ນ ພ້ອມຍົກສູງຄວາມສາມາດໃຫ້ແກ່ຕົນເອງ ເພື່ອປະກອບສ່ວນເຂົ້າໃນການປົກປັກຮັກສາ ແລະ ສ້າງສາພັດທະນາປະເທດຊາດ ເວົ້າລວມ, ໜ້າທີ່ວຽກງານວິຊາສະເພາະຂອງຕົນເວົ້າສະເພາະໃຫ້ເຂັ້ມແຂງ ແລະ ໜັກແໜ້ນ.

• < ຕໍ່ໄປ
• ຕໍ່ໄປ >