ເມືອງນາກາຍຈັດພິທີປາຖະກະຖາວັນສຳຄັນຂອງຊາດຂອງພັກ

ສ້າງຂື້ນເມື່ອ ວັນອັງຄານ, 06 ເມສາ 2021 07:01
ຂຽນໂດຍ ຄອຂ ຄຳມ່ວນ

ຄະນະໂຄສະນາອົບຮົມເມືອງນາກາຍຈັດພິທີປາຖະກະຖາວັນສຳຄັນຂອງຊາດຂອງພັກ.

     ພິທີດັ່ງກ່າວໄດ້ຈັດຂຶ້ນໃນວັນທີ່ 30 ມີນາ 2021 ຢູ່ທີສະໂມສອນເມືອງນາກາຍພາຍໃຕ້ການເປັນປະທານຂອງທ່ານ ດຣ ບຸນມີ ທານຸວົງ ຮອງເລຂາພັກເມືອງ, ມີຄະນະບໍລິຫານງານພັກເມືອງ, ຫົວໜ້າ, ຮອງຫົວໜ້າຫ້ອງການ, ທະຫານ, ຕຳຫຼວດ ແລະ ພະນັກງານສະມາຊິກພັກອ້ອມຂ້າງເມືອງເຂົ້າຮ່ວມ 103 ຄົນ, ຍິງ 30 ຄົນ.

     ໃນພິທີດັ່ງກ່າວໄດ້ນຳເອົາ 5 ເອກະສານມາເຜີຍແຜ່ເຊື່ອມຊືມຄື: ①ວັນສ້າງຕັ້ງພັກປະຊາຊົນ ປະຕິວັດລາວ ຄົບຮອບ 66 ປີ, ②ມູນເຊື້ອ 21 ມີນາ ວັນນັກຮົບເສຍອົງຄະ ແລະ ເສຍສະຫຼະຊີວິດເພື່ອປະເທດຊາດຄົບຮອບ 75 ປີ. ③ມະຕິກອງປະຊຸມໃຫຍ່ຄັ້ງທີ X ຂອງອົງຄະນະພັກແຂວງຄຳ ມ່ວນ ແລະ ມະຕິກອງປະຊຸມເປີດກວ້າງຄົບຄະນະບໍລິຫານງານພັກເມືອງນາກາຍ ຄັ້ງທີ່ 1 ສະໄໝທີ VI. ④ມະຕິເລກທີ 108/ກມສພ ກ່ຽວກັບວຽກງານແນວໂຮມໃນໄລຍະໃໝ່. ⑤ຂໍ້ກຳນົດເລກທີ 01/ກມສພ ວ່າດ້ວຍລະບຽບການຂອງແນວລາວສ້າງຊາດ-ອົງການຈັດຕັ້ງມະຫາຊົນຕໍ່ອຳນາດລັດ.