ພິທີ ມອບ-ຮັບ ໜ້າທີ່ຫົວໜ້າຄະນະໂຄສະນາອົບຮົມແຂວງຄຳມ່ວນ.

ສ້າງຂື້ນເມື່ອ ວັນພຸດ, 08 ມັງກອນ 2020 01:30
ຂຽນໂດຍ ຄອຂ ຄຳມ່ວນ

ພິທີ ມອບ-ຮັບ ໜ້າທີ່ຫົວໜ້າຄະນະໂຄສະນາອົບຮົມແຂວງຄຳມ່ວນ.
    ພິທີມອບຮັບໜ້າທີ່ຫົວໜ້າຄະນະໂຄສະນາອົບຮົມແຂວງ ຜູ້ເກົ່າ ແລະ ຮັກສາການຫົວໜ້າຄະນະໂຄສະນາອົບຮົມແຂວງຜູ້ໃໝ່ ຈັດຂື້ນໃນວັນທີ່ 7 ມັງກອນ 2020. ທີ່ຫ້ອງປະຊຸມຊັ້ນ 3 ຫ້ອງວ່າການແຂວງຄຳມ່ວນ ໂດຍການເປັນປະທານຂອງ ທ່ານ ສົມໃຈ ເພັດສີນວນ ຮອງເລຂາພັກແຂວງ, ປະທານສະພາປະຊາຊົນແຂວງຄຳມ່ວນ.

ມີບັນດາແຂກຕາງໜ້າຈາກພະແນກການອ້ອມຂ້າງແຂວງເຂົ້າຮ່ວມ. ອິງຕາມມະຕິຕົກລົງຂອງຄະນະເລຂາທິການສູນກາງພັກ ສະບັບເລກທີ 204/ຄລສພ,ລົງວັນທີ່ 29/10/2019. ແລະ ຂໍ້ຕົກລົງຂອງເຈົ້າແຂວງໆຄຳມ່ວນ ສະບັບເລກທີ 2082/ຈຂ/ຄມ,ລົງວັນທີ 16/12/2019 ວ່າດ້ວຍການອະນຸມັດໃຫ້ພະນັກງານ-ລັດຖະກອນອອກຮັບອຸດໜູນບຳນານ ແລະ ອິງຕາມມະຕິຕົກລົງຂອງຄະນະປະຈຳພັກແຂວງຄຳມ່ວນ ວ່າດ້ວຍການແຕ່ງຕັ້ງ ຮັກສາການຫົວໜ້າຄະນະໂຄສະນາອົບຮົມແຂວງຄຳມ່ວນ ສະບັບເລກທີ 470/ຄປຈ.ຄມ, ລົງວັນທີ່ 26/11/2019. ໃນພິທີກໍ່ໄດ້ຜ່ານເອກະສານ ບົດບັນທຶກມອບ-ຮັບໜ້າທີ່ ແລະ ເຊັນບົດບັນທຶກມອບຮັບໜ້າທີ່ໂດຍ ທ່ານ ສຸກສະຫວາດ ລັດຖະຈັກ ຄະນະປະຈຳພັກແຂວງ ຫົວໜ້າຄະນະໂຄສະນາອົບຮົມແຂວງ(ຜູ້ເກົ່າ) ແລະ ທ່ານ ແກ້ວວັນໄຊ ສຸກແສນທອງ ເລຂາໜ່ວຍພັກ, ຮອງຫົວໜ້າຄະນະໂຄສະນາອົບຮົມແຂວງ ຂຶ້ນຮັກສາການຫົວໜ້າຄະນະໂຄສະນາອົບຮົມແຂວງຄຳມ່ວນ.
    ໃນຕອນທ້າຍທ່ານ ສົມໃຈ ເພັດສີນວນ ຍັງໄດ້ມີຄຳເຫັນໂອ້ລົມຕໍ່ພິທີ ແລະ ຊີ້ໃຫ້ເຫັນເຖິງຄວາມໝາຍຄວາມສຳຄັນໃນຂົງເຂດວຽກງານການເມືອງ-ແນວຄິດ ແລະ ຮຽກຮ້ອງໃຫ້ເອົາໃຈໃສ່ຊີ້ນຳວຽກງານເພື່ອເຮັດໃຫ້ໄດ້ຮັບໝາກຝົນເພີ່ມຂື້ນເລື້ອຍໆ.