ພິທີເປີດຂະບວນການແຂ່ງຂັນ-ຍ້ອງຍໍ ພາຍໃຕ້ຄຳຂັວນ “ຮັກຊາດ ແລະ ພັດທະນາ” ປະຈໍຳປີ 2020.

ຄະນະໂຄສະນາອົບຮົມແຂວງຈັດພິທີເປີດຂະບວນການແຂ່ງຂັນ-ຍ້ອງຍໍ ພາຍໃຕ້ຄຳຂັວນ “ຮັກຊາດ ແລະ ພັດທະນາ” ປະຈໍຳປີ 2020.

    ວັນທີ່ 25 ກຸມພາ 2020 ຄະນະໂຄສະນາອົບຮົມແຂວງໄດ້ຈັດພິທີເປີດຂະບວນການແຂ່ງຂັນ-ຍ້ອງຍໍ ພາຍໃຕ້ຄຳຂັວນ “ຮັກຊາດ ແລະ ພັດທະນາ” ປະຈໍຳປີ 2020 ຂຶ້ນທີ່ຫ້ອງປະຊຸມຊັ້ນ 3 ຂອງຫ້ອງວ່າການແຂວງຄຳມ່ວນພາຍໃຕ້ການເປັນປະທານຂອງ ທ່ານ ແກ້ວວັນໄຊ ສຸກແສນທອງ ເລຂາໜ່ວຍພັກ, ຮັກສາການຫົວໜ້າຄະນະໂຄສະນາອົບຮົມແຂວງຄຳມ່ວນ, ມີບັນດາທ່ານຕາງໜ້າຈາກຄະນະໜ່ວຍພັກອ້ອມຂ້າງເຂົ້າຮ່ວມ.

     ຈຸດປະສົງກໍ່ເພື່ອເຮັດໃຫ້ການເປີດຂະບວນການແຂ່ງຂັນ-ຍ້ອງຍໍ ພາຍໃຕ້ຄຳຂັວນ “ຮັກຊາດ ແລະ ພັດທະນາ” ຕິດພັນກັບວຽກງານວິຊາສະເພາະວຽກດີຄົນເດັ່ນຂອງພະນັກງານໃນຄະນະໂຄສະນາອົບຮົມແຂວງ ເພື່ອສ້າງຂະບວນການຂ່ຳນັບຮັບຕ້ອນ “ຮັກຊາດ ແລະ ພັດທະນາ” ເປັນບ່ອນອີງໃຫ້ແກ່ 4 ຂະແໜງການມີການວາງແຜນ, ກຳນົດເປົ້າໝາຍເນື້ອໃນຂໍ້ແຂ່ງຂັນພາຍໃນການຈັດຕັັ້ງຂອງຕົນ ແລະ ເປັນບ່ອນອີງໃຫ້ແກ່ການຈັດຕັ້ງປະຕິບັດການປະເມີນຜົນ, ການປະຕິບັດໜ້າທີ່ວຽກງານໃນການເຄື່ອນໄຫວວຽກງານຕົວຈິງຕາມສິດ ແລະ ໜ້າທີ່ຂອງແຕ່ລະຂະແໜງ, ການຕີລາຄາຈັດປະເພດຂອງສະມາຊິກພັກ-ພະນັກງານ, ການສ້າງໜ່ວຍພັກປອດໃສ, ເຂັ້ມແຂງໜັກ     ແໜ້ນ, ຄັດເລືອກຜົນງານບຸກຄົນ ແລະ ຂະແໜງການທີ່ດີເດັ່ນ.
     ເນື້ອໃນຂໍ້ແຂ່ງຂັນມີ: 1.ແຂ່ງຂັນປະຕິບັດແບບແຜນວິທີເຮັດວຽກທີ່ດີ ແລະ ມີວິທະຍາ ສາດ, 2.ແຂ່ງຂັນປະຕິບັດລະບຽບ,ກົດໝາຍລັດຖະກອນຢ່າງເຂັ້ມງວດ, 3.ແຂ່ງຂັນປະຕິບັດວຽກງານວິຊາສະເພາະ, 4.ແຂ່ງຂັນປະຕິບັດວຽກງານປ້ອງກັນຊາດ-ປ້ອງກັນຄວາມສະຫງົບ, 5.ແຂ່ງຂັນປະຕິບັດວຽກງານສ້າງຂະບວນການ.
     ໃນຕອນທ້າຍຂອງພິທີ ທ່ານ ແກ້ວວັນໄຊ ສຸກແສນທອງ ຍັງໄດ້ໂອ້ລົມ ແລະ ຮຽກຮ້ອງໃຫ້ແຕ່ລະຂະແໜງນຳເອົາເນື້ອໃນຈິດໃຈຂໍ້ແຂ່ງຂັນ ຮັກຊາດ ແລະ ພັດທະນາ ຂອງຄະນະໂຄສະນາອົບຮົມແຂວງວາງອອກໄປຈັດຕັ້ງຜັນຂະຫຍາຍຕາມທິດທາງແຜນການຂອງຂະແໜງຕົນຕາມພາລະບົດບາດ, ສິດ ແລະ ໜ້າທີ່; ປຸກລະດົມຊຸກຍູ້ພະນັກງານ-ລັດຖະກອນທີ່ຢູ່ໃນຄວາມຮັບຜິດຊອບຂອງຕົນ ໃຫ້ມີຄວາມກະຕືລືລົ້ນ, ຫ້າວຫັນປະກອບສ່ວນ ເພື່ອປະຕິບັດແຜນການດັ່ງກ່າວໃຫ້ມີຜົນສຳເລັດເປັນຢ່າງດີ.

ຂ່າວທີ່ໄດ້ຮັບຄວາມນິຍົມ

ສາລະໜ້າຮູ້

ກິດຈະກຳ